Мин дойдум киэргэлэ – маҥан хаар
- 08/02/2023
- 71
- нет
Хаар – биһиги дойдубут киэргэлэ эрэ буолбакка, өссө дойдубут харысхалынан буолар. Хаары сыныйан көрдөххө, олус интэриэһинэй быһыылаах, араас уларыйыылары көрсөн, сиргэ хаар буолан түһэр эбит. Маны барытын биллэрэр-үөрэтэр сыаллаах “Кэнчээри” уһуйааҥҥа “Мин дойдум киэргэлэ – маҥан хаар” нэдиэлэ алтынньы 17-21 күннэригэр буолла.
Биллэн турар, оҕолор ырыа-хоһоон үөрэттилэр, хаар үҥкүүтүн үҥкүүлээтилэр, түннүгүнэн көрөн хаардаах төрөөбүт дойдуларын панноларын оҥордулар. Ону тэҥэ таһырдьа тахсан хаардаах чэбдик салгынынан тыыннылар, хаар быһыытын-таһаатын үөрэттилэр, хаары чинчийдилэр. Төрөппүттэргэ анаан оҕолор оҥоһуктарын быыстапката тэрилиннэ.
Нэдиэлэни түмүктүүр аралдьытыыга “Хаар баала” буолла, ону тэҥэ “мээчик хаарынан” бырахса оонньоотулар, хаар киһи буолан күрэхтэстилэр.
Комментарий читателей статьи "Мин дойдум киэргэлэ – маҥан хаар"