Дьяконовой
Парасковьи Алексеевны

Хас биирдии оҕоҕо ийэ диэн олус күндү, кэрэ киһитинэн буолар. Ол курдук алтынньы 10-14 күннэригэр ийэ күнүн историятын билиһиннэрэр, ийэ – дьиэ кэргэн харысхала, иэримэ дьиэ иэйэхситэ диэн өйдөбүлү иҥэрэр, хас биирдии киһи ийэ диэн кэрэ киһини таптыыр, харыстыыр, убаастыыр, киниэхэ истиҥ сыһыаннаах буоларга үөрэтэр сыаллаах “Ийэ мичээрэ истиҥ кэрэ!” нэдиэлэ ыытылынна.

         Бу нэдиэлэҕэ иитиллээччилэр уус-уран айымньылары кытта билистилэр, хоһоон-ырыа үөрэттилэр. “Ийэбин таптыыбын” истиэндэ оҥордулар, ону кытта үгэс быһыытынан ийэлэрин портреттарын уруһуйдаатылар, ийэлэригэр анаан хоһоон айдылар.

         Нэдиэлэни түмүктүүр аралдьатыыга хамаандаҕа арахсан бэрт сэргэхтик күрэхтэстилэр, оонньоотулар, үөрдүлэр-көттүлэр. Маны тэҥэ, иитээччилэр көмөлөрүнэн оҕолор ийэлэригэр сурук суруйдулар. Бу суруктары ийэлэр почтаттан тутан, соһуйдулар даҕаны, үөрдүлэр даҕаны. Ону тэҥэ оҕолор ийэлэригэр “Сладкий букет” оҥорон туттардылар.