Дьяконовой
Парасковьи Алексеевны

Балаҕан ыйын 20-24 күннэригэр “Кэнчээри” оҕо  уһуйааныгар  «Таптыыр, ахтар детсадым» диэн бэрт интэриэһинэй нэдиэлэ буолла. Нэдиэлэ чэрчитинэн уһуйаан иитиллээччилэрэ тапталлаах детсадтарын туһунан элбэҕи биллилэр, кинилэр тустарыгар кыһамньылаахтык үлэлиир уһуйаан үлэһиттэрин туһунан истэн, сэһэргэһиигэ кыттан, улахан дьон үлэтин убаастыыр, бу маннык кэрэ эйгэҕэ бэйэ-бэйэҕэ эйэлээх буолуу курдук үтүө хаачыстыбалары иҥэриннилэр. Маны тэҥэ, иитиллээччилэр болҕомтолоох, дьулуурдаах буолалларыгар, тылларын баайа хаҥыырыгар сөптөөх усулуобуйа тэрилиннэ.

Ол курдук, нэдиэлэ устата оҕолор “Детсад диэн тугуй?” бэсиэдэҕэ кытыннылар, уһуйааннарын таптыылларын, күннэтэ үөрэ-көтө кэлэллэрин биллэрдилэр. Ол кэннэ детсад объектарынан экскурсиялаатылар, атын группа иитиллээччилэрин, детсад үлэһиттэрин: ньээҥкэлэри, мед.үлэһити, ырыа, физкультура инструктордарын, ону тэҥэ уһуйаан салайааччытын кытта билистилэр, кэпсэттилэр, үлэлэрин кэтээн көрдүлэр.

Иитиллээччилэр  уһуйааннарыгар тапталларын уруһуй, мэһийии, сыһыарыы техникаларын туттан, бэйэ оҥоһуктарынан биллэрдилэр. Оҕолор улахан өттүлэрэ «Кэнчээригэ саамай кэрэ күнүм» диэн кэпсээн айыытыгар холоннулар.

“Таптыыр, ахтар детсадым” нэдиэлэ саамай көрдөөх тэриллиитинэн көрдөөх старт буолла. Оҕолор дуоһуйа оонньоон, үлэһиттэри кытары күрэхтэһэн,  кыахтарын холонон олус үөрдүлэр.

Нэдиэлэни түмүктүүр аралдьытыы олус сэргэхтик ааста. Оҕолор, үлэһиттэр, төрөппүттэр биир сүбэнэн оҥорбут хаһыаттара, “Кэнчээригэ саамай кэрэ күнүм” уруһуй, хаартыска быыстапката аралдьытыыны ордук киэргэттэ. Аралдьытыыны Дьяконова Парасковья Алексеевна ыытта.