Күһүҥҥү киһи күлбүтүнэн
- 08/02/2023
- 166
- нет
Балаҕан ыйын 19 күннүттэн 23 күнүгэр дылы “Күһүҥҥү киһи күлбүтүнэн” нэдиэлэ буолан ааста.
Нэдиэлэ сыала: дьыл кэрэ кэмин – күһүн туһунан өйдөбүлү биэрии, айылҕа, кыыл-сүөл, көтөр олоҕо дьыл кэмигэр уларыйыытын билии, чиҥэтии, оҕо саҥарар дьоҕурун сайыннарыы, тылын саппаһын байытыы, айылҕаҕа харыстабыллаах сыһыаны иитии.
Нэдиэлэ устата иитиллээчилэр күһүн туһунан ырыа-хоһоон үөрэттилэр, уһуйаан таһыттан айылҕа матырыйаалларын хомуйан “Күһүҥҥү композиция” оҥордулар. Маны тэҥэ “Сатабыллаах тарбахчааннар” оҕуруот астарынан оҥоһук быыстапката буолла.
Нэдиэлэ “Күһүҥҥү киһи күлбүтүнэн” аралдьыйыынан түмүктэннэ. Аралдьыйыыга иитиллээччилэри күһүн кыыһа кэлэн эҕэрдэлээтэ, көмүс күһүн быйаҥыттан минньигэс да минньигэс яблоко аҕалан кэһиитин түҥэттэ!
Комментарий читателей статьи "Күһүҥҥү киһи күлбүтүнэн"